چکن ایگ رول

 چکن ایگ رول

میدہ دو پیالی، انڈے دو عدد نمک حسب ذائقہ دودھ آدھی پیالی ، بیکنگ پاؤڈر آدھا چائے کا چمچ، چکن (ریشہ کی ہوئی) ایک پیالی ، بند گوبھی (باریک کٹی ہوئی) آدھی پیالی ، گاجر (باریک کٹی ہوئی) آدھی پیالی، ہری پیاز (باریک کٹی ہوئی) آدھی پیالی نمک حسب ذائقہ،پسا ہو الہسن آدھا چائے کاچمچ، کالی مرچ ایک چائے کاچمچ کوکنگ آئل تلنے کیلئے۔

ترکیب:

میدہ چھان کر بڑے پیالے میں ڈالیں اور اس میں نمک، بیکنگ پاؤڈر، اٹھے اور دودھ ڈال کر اچھی طرح پھینٹ لیں۔ اس آمیزے کو ڈھک کر دو سے تین گھنٹے کیلئے گرم جگہ پر رکھ دیں۔ فرائنگ پین میں ایک کھانے کاکوکنگ آئل ڈال کر درمیانی آنچ پر ایک سے دو منٹ گرم کریں، اس میں لہسن ڈال کر ایک منٹ فرائی کریں چکن ڈال کر تین سے چار منٹ تیز آنچ پر فرائی کریں پھر بند گوبھی، گاجر اور ہری پیاز ڈال کر ایک سے دو منٹ فرائی کریں اس میں نمک اور کالی مرچ ڈال کر اچھی طرح ملا کر چولہے سے اتار لیں اور ٹھنڈا کرنے رکھ دیں میدے کے آمیزےکو دوبارہ پھینٹیں اور زیادہ گاڑھا محسوس ہو تو تین سے چار کھانے کے چمچ دودھ یا پانی شامل کرلیں نان اسٹک فرائنگ پین کو ایک منٹ چولہے پر گرم کر کے ہلکا سے چکنا کر لیں، آدھی پیالی آمیزے کوپھیلا کر ڈال دیں۔ ہلکی آنچ پر اتنی دیر پکائیں کہ کناروں سے الگ ہونے لگے اور ہلکا سا سنہری ہوجائے۔ اسے فرائنگ پین سے نکال لیں اور اسی طرح سے سارے پین کیک بنالیں۔ پین کیک میں ایک سے دوچمچ فلنگ ڈال لیں اور رول کر کے دبا کر بند کردیں بند کردیں (بند کرتے  ہوئے چپکنے میں مشکل ہوتو ہلکی سےپھینٹی ہوئی انڈے کی سفیدی لگا دیں) اسی طرح تمام رول بنا کر دس سے پندرہ منٹ تک فرتج میں رکھ دیں کڑاہی میں کوکنگ آئل کو درمیانی آنچ پر تین سے چار منٹ گرم کریں اوررولز کو گولڈن فرائی کرلیں۔