ہمیں اپنے اندر صبر اور برداشت کی قوت پیدا کرنی چاہیے: فضا علی

لاہور: معروف اداکارہ فضا علی نے کہا ہے کہ ہمیں اپنے اندر صبر اور برداشت کی قوت پیدا کرنی چاہیے کیونکہ ان چیزوں کے فقدان سے معاشرے میں منفی رحجانات فروغ پا رہے ہیں۔ایک انٹر ویو میںگفتگو کرتے ہوئے انہوں نے کہا کہ ہمارے دین میں سب سے زیادہ اخلاقیات پر زور دیا گیا ہے مگر آج بد قسمتی سے ہم اپنی اسلامی روایات سے دور ہوتے جا رہے ہیں۔اس حوالے سے مختلف پلیٹ فارم پر سیمینار اور کانفرنسز منعقد کر کے لوگوں کو قوت برداشت اور صبر کے حوالے سے آگاہی دینے کی ضرورت ہے۔ہمیں ٹی وی ڈراموں میں بھی ہمیں زیادہ سے زیادہ اخلاقیات کو موضوع بنانا چاہیے۔ فضا علی نے کہا کہ آج کل لوگ چھوٹی سی بات پر خون خرابے تک پہنچ جاتے ہیں اس سے بچنے کے لئے معاشرے کے ہر فرد کو اپنا صحیح کردار ادا کرنا چاہیے۔آج سے ہم عہد کر لیں کہ ہم دوسروں کی غلطیوں کونظر انداز کر کے آگے چلیں گے تو معاشرے میں سدھار کا عمل شروع ہو جائیگا۔