ہاتھ آپ کی شخصیت کا آئینہ

لاہور:ہاتھ آپ کی شخصیت کا آئینہ ہوتے ہیں ، خوبصورت ہاتھوں کا اثر چہرے پر بھی پڑتا ہے زیادہ تر خواتین اپنے ہاتھوں کے بارے میں بہت زیادہ لا پرواہ ہوتی ہیں ، شادی کے بعد تو وہ اور بھی لا پرواہ ہو جاتی ہیں خواتین اگر ہاتھوں کی خوبصورتی کے بارے میں محتاط ہیں، تو ان کوخراب ہونے سے بچاسکتی ہیں۔ ہاتھوں کی خوبصورتی کی دیکھ بھال کے لئے ہاتھ کو ہتھیلی ،کہنی، ناخن اور بازوں میں تقسیم کر لیں، تا کہ آپ ہاتھوں کی دیکھ بھال صحیح طریقے سے کر لیں ، ہاتھ کے اوپر والے حصے کی جلد کافی نرم اور پتلی ہوتی ہے جس کی وجہ سے ہاتھوں کی جلد پر جھریاں جلد پڑ جاتی ہیں اور ان سے بڑھتی عمر کا علم ہوجاتا ہے، تھیلی کے نچلے حصے کی جلد سخت اور موٹی ہوتی ہے، اس حصے میںکسی قسم کے چکنے غد دو نہیں ہوتے جس سے صابن، ڈٹرجنٹ سوڈا بھاری پانی وغیرہ کے استعمال سے ہی ہاتھ کا یہ حصہ فورا چھٹکنے لگتا ہے۔ 

ان باتوں پر توجہ دیں ہفتہ میں ایک بار مینی کیور (Manicure) ضرور کریں۔ کپڑے دھوتے، برتن صاف کرتے، باغبانی، پینٹ وغیرہ کرتے وقت ہاتھوں پر گلوزر برڑ کے دستانے پہن لیں، اس سے آپکے ہاتھ محفوظ رہیں گے۔ سبزی کاٹنے سے پہلے ہاتھوں پر مونگ پھلی، سرسوں ، زیتون میں سے کسی ایک کا تیل لگالیں اس سے ہاتھوں پرنشان نہیں پڑیں گے۔ ہاتھوں کو زیادہ دیر تک گیلا نہ رکھیں ، اس سے ہاتھوں کی جلد خشک ہوجاتی ہے، جس سے ناخنوں کے اردگرد کی جلد ڈھیلی اور بے جان کی ہوتی ہے۔